Planet e Integritetit

Raport mbi Monitorimin e Realizmit të Planeve të Integritetit të Njësive të Vetëqeverisjes Vendore për Vitin 2024
Raport monitorimi mbi zbatimin e planeve të integritetit të njësive të vetëqeverisjes vendore për vitin 2023

Plani i Integritetit përfaqëson një mekanizëm thelbësor institucional me funksion parandalues ndaj korrupsionit, në të cilin Bashkimi Evropian ka rolin e donatorit. Në nivelin e qeverisjes vendore, përkushtimi ndaj transparencës dhe llogaridhënies është konkretizuar përmes zbatimit të nismave të parashikuara në Vendimin nr. 247, datë 20.03.2015, të Këshillit të Ministrave, “Për miratimin e Strategjisë Ndërsektoriale Kundër Korrupsionit 2015–2023” (SNKK).
Në funksion të objektivave të Qeverisë Shqiptare për forcimin e qeverisjes së mirë dhe luftës kundër korrupsionit, Agjencia për Mbështetjen e Vetëqeverisjes Vendore (AMVV) ka një rol të rëndësishëm në bashkërendimin e procesit të hartimit, zbatimit dhe monitorimit të Planeve të Integritetit në nivel vendor.
Deri më sot, AMVV ka ofruar asistencë teknike për hartimin e Planeve të Integritetit në 35 bashki të vendit, përfshirë 5 plane në vitin 2019, 1 plan në vitin 2021, 14 plane në vitin 2022, 3 plane në vitin 2023 dhe 12 plane në vitin 2024.
Në vijim të këtij angazhimi, AMVV ka përfunduar edhe procesin e monitorimit të zbatimit për 17 Plane të Integritetit për vitin 2024. Të dhënat tregojnë se, në rang kombëtar, planet e veprimit janë realizuar mesatarisht në masën 59%. Ky rezultat reflekton një përparim të qëndrueshëm, ndërsa evidenton edhe nevojën për vazhdimin e përpjekjeve në drejtim të rritjes së efektivitetit dhe përfshirjes së strukturave vendore në këtë proces.