Integrity Plans

Raporti monitorimi i realizimit te planeve te integritetit te njesive te veteqeverisjes vendore per vitin 2023

Plani i Integritetit është një mekanizëm i rëndësishëm institucional me efekt parandalues antikorrupsion, në të cilin Bashkimi Evropian ka funksionin e donatorit. Miratimi i politikave kundër korrupsionit në nivelin e qeverisjes vendore është konkretizuar nëpërmjet koordinimit dhe zbatimit të nismave anti-korrupsion të parashikuara në Vendimin nr.247, datë 20.3.2015, të Këshillit të Ministrave, “Për miratimin e Strategjisë Ndërsektoriale Kundër Korrupsionit 2015-2023” (SNKK). Në kuadër të funksioneve për realizimin e objektivave të Qeverisë Shqiptare për garantimin e qeverisjes së mirë, AMVV merr pjesë në bashkërendimin e procesit të hartimit, monitorimit dhe zbatimit të planeve të integritetit në nivel vendor. Asistenca e AMVV-së për hartimin e Planeve të Integritetit në Njësitë e Vetëqeverisjen Vendore është ofruar tashmë në 28 bashki të vëndit, 5 plane në vitin 2019, 1 plan në vitin 2021, 14 plane në vitin 2022, 3 plane në vitin 2023, 5 plane ne 6 mujorin e parë 2024. Ndërkohë ka filluar procesi për asistenë në 8 bashki per hartimin e planeve të integritetit, të cilat do të përfundojnë në fund të vitit 2024. AMVV gjithashtu, ka përfunduar procesin e monitorimit të zbatimit të 16 planeve të integritetit për vitin 2023, ku rezultoi se në rang kombëtar janë realizuar në masën cilësore 58 %.