Decentralizimi i funksioneve kyçe në fushat e arsimit, shëndetësisë dhe bujqësisë është një hap i rëndësishëm drejt përmirësimit të shërbimeve për qytetarët. Në këtë kuadër, bashkitë kanë marrë rol më aktiv, duke përfshirë:

– Arsimin dhe Shëndetësinë: Përgjegjësi të zgjeruara në emërimin e stafit arsimor dhe mjekësor dhe duke garantuar që proceset vendimmarrëse të jenë më pranë nevojave të komunitetit.

– Bujqësinë: Roli këshillimor për disa funksione bujqësore synon të përshpejtojë dhe përmirësojë koordinimin dhe efektivitetin e shërbimeve ndaj fermerëve.

Ky projekt pilot 1-vjeçar është një hap eksperimental në kuadër të politikës qeveritare për decentralizim, me qëllim vlerësimin e efikasitetit dhe cilësisë së shërbimeve të ofruara. Bazuar në rezultatet, do të merren vendime për zgjerimin e kompetencave vendore, duke i dhënë më shumë autonomi pushtetit lokal për përmbushjen e detyrave të tyre.