Agjencia Për Mbështetjen e Vetqeverisjes Vendore

Më 21 Mars 2025, u zhvillua takimi konsultues mbi Planin e Menaxhimit të Mbetjeve me qëllim përfitimin e Grantit të Performancës, me pjesëmarrës Znj. Adelina Farrici, Drejtor Ekzekutiv, SHKBSH, Znj.Olta Caca, Drejtor i Statistikës dhe Performancës, AMVV,  ekpert, Znj. Teida Shehi dhe përfaqësues të njësive vendore.

Në këtë takim bashkitë ofruan kontributet dhe sugjerimet e tyre, duke u angazhuar në një debat të hapur dhe konstruktiv për përmirësimin e praktikave në menaxhimin e mbetjeve dhe realizimin e qëllimeve të grantit.

Agjencia për Mbështetjen e Vetëqeverisjes Vendore prezantoi elementët kyç të grantit me fokus planin e menaxhimit të mbetjeve. Më pas takimi vijoi me prezantimin e strukturës së planit të mbetjeve dhe elementeve të nevojshëm për përgatitjen e planit.

Në fund të takimit, pjesëmarrësit patën mundësinë të ndanin përvoja dhe praktika të mira nga bashki të ndryshme, si dhe të diskutonin sfidat dhe zgjidhjet për përmirësimin e menaxhimit të mbetjeve. Bashkia Elbasan u zgjodh si praktikë e mirë për menaxhimin e mbetjeve duke qenë shembull për bashkitë e tjera.

Ky bashkëpunim forcoi Forumin e Menaxhimit të Mbetjeve si një mekanizëm kyç për shkëmbimin e njohurive dhe zbatimin e strategjive të suksesshme në nivel vendor.