Në kuadër të mbledhjes së të dhënave për Sistemin e Matjes së Performancës (SMP) 2024, nga data 16-29 Korrik, grupet teknike të Drejtorisë së Statistikës dhe Performancës kanë qenë të pranishme në çdo bashki të vendit. Qëllimi i këtyre vizitave ishte asistimi i njësive vendore gjatë procesit të grumbullimit dhe raportimit të të dhënave për indikatorët e performancës.

Përmes kësaj mbështetjeje në terren, u sigurua që procesi të zhvillohej në mënyrë sa më të saktë dhe të njëtrajtshme, duke forcuar kapacitetet vendore dhe duke garantuar cilësinë e informacionit të mbledhur. Kjo iniciativë është pjesë e përpjekjeve të vazhdueshme për të përmirësuar transparencën dhe efektivitetin e qeverisjes vendore.