Në Bashkinë e Prrenjasit me Kryetarin e Bashkisë, Nuri Belba, dhe ekipin e tij zhvilluam një takim të frytshëm dhe konstruktiv, ku u evidentuan punët e mëdha të bashkisë për përmirësimin e zonës, duke përfshirë disa projekte të rëndësishme që janë realizuar deri më tani.
Gjatë takimit u ngritën edhe problematika nga drejtuesit e pranishëm, duke theksuar fusha të ndryshme që kërkojnë vëmëndje të veçantë për të nitur më tej zhvillimin ekonomik. Si nje zonë me potencial të madh pyjor dhe bujqësor, u diskutua që qeveria do të vazhdoj të mbështesë këto
sektorë, duke kontribuar në zhvillimin e tyre të qëndrueshem. Mbajtëm shënime për disa nga prioritetet që do të duhet vëmendje e veçantë siç janë infrastruktura arsimore me rikonstruksionin e terreneve sportive, dhe mbështetja e vazhdueshme në qendra për fëmijët me nevoja të veçanta.
Me natyrën e mrekullueshme te Rrajces dhe Parkut Shebenik, por edhe kulinarinë fantastike që ofron zona, turizmi është një mundësi e shkëlqyer për zhvillimin ekonomik të mëtejshëm të Prrenjasit.