Në kuadër të mekanizmit të Grantit të Bazuar në Performancë, Ministrër Shteti për Pushtetin Vendor në bashkëpunim me Ministrinë e Financave kanë firmosur udhëzimin që përcakton shumën prej 460 milionë lekësh për bashkitë e vendit. Performanca e bashkive sot nuk është vetëm objekt matjeje dhe vlerësimi, por edhe baze për shpërblim financiar të drejtë dhe transparent.

Ky grant, synon të nxisë përmirësimin e vazhdueshëm të qeverisjes vendore dhe të sjellë përfitime të prekshme për qytetarët: më shumë investime në komunitet, shërbime më të shpejta dhe një administratë vendore më të përgjegjshme e efikase.

Përmes kësaj skeme stimuluese, mbështeten dhe promovohen praktikat më të mira në nivel vendor, duke e kthyer performancën e mirë në mundësi konkrete për zhvillim dhe rritje të cilësisë së jetës për qytetarët.