Minstri i Shtetit për Pushtetin Vendor Z. Arbjan Mazniku bashkë me drejtuesit e BERZH-it, diskutuan strategjinë për periudhën 2025-2030, duke u përqendruar në përparësitë kryesore që do të kontribuojnë në mbështetje të stabilitetit dhe zhvillimit ekonomik të vendit. Në kuadër të kësaj strategjie, objektivat tona të përbashkëta përfshijnë një fokus të veçantë në kalimin në Ekonominë e Gjelbër, që është një hap i rëndësishëm për të përballuar sfidat e ndryshimeve klimatike dhe për të promovuar qëndrueshmërinë në zhvillim. Po ashtu, mbështetja e sektorit privat do të jetë një tjetër prioritet, duke krijuar mundësi për rritje të qëndrueshme dhe zhvillim të biznesit në të gjitha nivelet. Pushteti vendor do të luajë një rol të rëndësishëm në realizimin e këtyre qëllimeve, pasi do të kontribuojë në përmirësimin e klimës së investimeve dhe krijimin e kushteve që tërheqin investime të reja, të cilat janë jetike për rritjen e ekonomisë dhe krijimin e mundësive të punësimit. Ky bashkëpunim synon të përmirësojë kornizën ligjore dhe rregullatore, duke siguruar një mjedis të qëndrueshëm dhe tërheqës për investitorët, si dhe të ofrojë mundësi për zhvillimin e sektorëve të rinj ekonomikë që mbështesin qëndrueshmërinë dhe progresin afatgjatë.