Bashkia Berat
Sipërfaqja: 379.98 km2
Popullsia: 98,905
Njesia administrative Nr banorë Nr i familjeve
Berat 62,735 9124
Otllak 15,205 2340
Roshnik 3,704 628
Sinje 5,241 837
Velabisht 12,020 2114
GJITHËSEJ 95,905 15043
Numri i fshatrave: 50
Fshatra Turistikë : Qafë-Dardhë, Roshnik
Pozita Gjeografike
Bashkia Berat kufizohet në veri me bashkitë Kuçovë dhe Ura Vajgurore, në lindje me bashkinë Gramsh dhe Skrapar, në jug me bashkinë Poliçan, ndërsa në perëndim me bashkinë Mallakastër.
Profili
Bashkia e Beratit, pas ndarjes së re territoriale, është një bashkim mes qytetit dhe katër ish-komunave në afërsitë të tij.
Zhvillimi ekonomik
Bashkia e Beratit shumicën e të ardhurave i siguron kryesisht përmes turizmit, biznesit fason, si dhe prodhimeve dhe tregtimit të produkteve të konservuara, Shumë nga banorët kanë kthyer shtëpitë e tyre karakteristike në bujtina për turistët, duke shtuar të ardhurat nga turizmi. Në zonat fushore të ardhurat kryesore sigurohen nga prodhimi i perimeve, ullinjve dhe vreshtarisë. Ndërkohë që në zonat kodrinoro-malore të ardhurat kryesore sigurohen nga pemëtaria dhe blegtoria. Fondi Shqiptar i Zhvillimit ka përfshirë bashkinë e Beratit në projektin “Rilindja Urbane” duke rikualifikuar qendrën e qytetit. Biznesi rezulton i orientuar drejt ofrimit të shërbimeve, kryesisht tregti, akomodim dhe shërbime ushqimore.
Sfidat me të cilat duhet të përballet Bashkia Berat
Duke qenë se qyteti i Beratit ka një strategji zhvillimi të orientuar kryesisht tek turizmi historik dhe kulturor, kjo e fundit duhet të integrojë tashmë dhe nevojat e diversifikuara, por dhe resurse të tjera siç janë bujqësia dhe blegtoria, për t’iu përgjigjur sa më mirë integrimit të zonës urbane me atë rurale. Ndër sfidat kryesore të identifikuara nga komuniteti lidhur me pushtetin vendor në bashkinë është menaxhimi i mbetjeve urbane dhe sistemimi i rrjetit të kanalizimeve, situata e rënduar e të cilave vazhdon të dëmtojë mjedisin dhe në veçanti ujërat e lumit Osum.
Financat
Totali i të ardhurave përbëhet:
77% – Buxheti i Shtetit
23% – Të Ardhurat e Veta
Bujqësia
- Sipërfaqe pyje dhe kullota në total dhe sipas njësisë administrative, Bashkia e Beratit ka rreth 180 km2 pyje dhe kullota ose 55 % e sipërfaqes totale.
- Sipërfaqja bujqësore në total është 170 km2 ose rreth 45 % e sipërfaqes totale dhe sipas njësive, prodhimet bujqësore më të rëndësishme në total. Njësitë Otllak dhe Velabisht kanë dhe përqindjen më të lartë të tokës bujqësore
- Bashkia Berat ka një rrjet prej 68 km/l kanalesh bujqësore ku 39.9 e tyre janë kanale vaditëse dhe 60.1 e tyre janë kanale kullues. Rreth 58.8 % janë kanale të dyta dhe 26.2 kanale të treta. Vetëm 18 % e rrjetit është në gjendje pune dhe afërsisht 60 % ka nevojë për rehabilitim, ndërsa 13 % është totalisht jashtë funksionit.
Sipërfaqet e gjelbra në qytet
Sipërfaqet e gjelbërta në qytet në mënyrë të përgjithshme mund të konsiderohen si vlera ekzistuese 3.35 m2 për banorë, ndërsa standarti është 26 m2 për banorë.
Mbulime me ndriçim dhe me pastrim në zonat urbane dhe rurale
Në bashkinë e Beratit kemi një rrjet rrugor të ndriçuar prej 33.7 km me një total prej 1102 shtylla, prej të cilave 38 janë shtylla LED. Sipërfaqja e mbuluara me ndricim për Bashkinë e Beratit është 43 %, kurse për njësitë administrative është:
Njësia administrative Roshnik, ndricim për një gjatësi prej 1.4 km me 37 ndriçuesshpërndarës në fshatrat, Roshnik, Vojnik dhe Karkanjoz
Njësia administrative Sinje shtrihet rreth 1.3 km rrjet rrugor të ndricuar ku ndodhen 32 ndriçues. Shërbimi i ndriçimit ofrohet në fshatrat Sinje. Galinë dhe Mbreshtan.
Njësia administrative Otllak shtrihen 1.2 km rrjet i ndriçimit rrugor me 31 ndriçues ku shumica e tyre janë jashtë funksionit
Njësia administrative Velabisht ky shërbim ofrohet vetëm në fshatin Velabisht me rreth 300 ml i rrjetit me 30 ndriçues.
Bashkia e Beratit ofron shërbimin e pastrimit për mbetjet e ngurta për 84. 6 % të popullsisë dhe në Njësitë administrative përkatëse. Në qytet ka rreth 270 kontenier të shpërndarë në 160 pika.
Shërbimi me ujë dhe kanalizime, mbulimi në
- Mbulimi me ujë për Bashkinë Berat b. Mbulimi me K.U.Z
a. Njësitë | Përqindja | b. Njësitë | Përqindja | |
Berat | 98 % | Berat | 88 % | |
Otllak | 88 % | Otllak | 30 % | |
Roshnik | 98 % | Roshnik | 0 | |
Velabisht | 38 % | Velabisht | 0 | |
Sinjë | 30 % | Sinjë | 0 | |
Totali | 83 % | Totali | 50 % |
Bashkia e Beratit mbulon rreth 88 % me kanalizime të Qytetit të Beratit dhe rreth 65 % të fshatit Otllak, ndërsa për Njësitë dhe fshatrat e tjerë përbërës nuk ofrohet ky shërbim.
Edukimi
Shkollat e mesme, në gjithë territortin e Bashkisë Berat ndodhen 11 shkolla të mesme, të cilat 7 ndodhen në Qytetin e Beratit nga të cilat 3 janë profesionale, Njësia Velabisht 1, Njësia Otllak 1 dhe Njësia Sinje 1, dhe Njësia Roshnik 1
Shkollat 9 vjeçare në Bashkinë e Beratit janë 43, gjendja e tyre është e mirë në 23 shkolla, në 20 të tjera kërkohen ndërhyrje.
Ndodhen 43 kopshte në total. Në qytet ndodhen 14, dhe pjesa tjetër në Njësitë Administrative. Njësia administrative Sinje 7 kopshte, Njësia administrative Velabisht 11, dhe Njësia administrative Otllak 8 kopshte, ndërsa Njësia administrative Roshnik me 3 kopshte.
Çerdhet në Bashkinë e Beratit janë 3, ndërsa në Njësitë e tjera nuk ofrohet ky shërbim.
Sipërmarrjet Private
Në qytetin e Beratit ushtrojnë aktivitete ekonomik 1705 biznese nga te cilat 1433 janë biznese të vogla të cilat mbështeten kryesisht në shërbime e më pak në prodhim. Ato ndahen si më poshtë 95 biznese prodhimi, 698 biznese shërbimi, 147 biznese transporti dhe 493 biznese tregtie. Bizneset e mëdha ndahen në 210 biznese Import-Export, 33 biznese ndërtimi dhe 4 Tranporti.
Biznesi i madh mbështet në import export, fusha e dytë është ndërtimi. Ne rang Njësie administrative bizneset ndahen si vijon: 265 në Otllak, 30 në Sinje, 8 në Roshnik, dhe 133 në Velabisht.
Projektet:
- “Bashkitë për në Europë”
- “Star 2”
- “Program i përbashkët i Kombeve të Bashkuara, Askush të mos mbetet pas”
- “Për planifikimin dhe qeverisjen vendore” USAID
- “Bashki të Forta”
Kryetari i bashkisë: Ervin Demo
Kryetari i Këshillit Bashkiak: Ervin Ceca
Numri i anëtarëve të Këshillit Bashkiak: 31
Numri i punonjësve të administrates: 666